Makron Rusiyanı hədələyir, eyni zamanda Rusiya qazına görə ödənişi artırır

Fransa bir tərəfdən Rusiyadan qaz alışını artırır, digər tərəfdən isə Rusiyanı qəti şəkildə hədələyir.

Bu barədə Politico nəşri yazır.
Makron nümayişkəranə şəkildəUkraynanı qızğın dəstəklədiyini bəyan edir, Rusiyanı hədələyir, lakin səssizcə, altdan-altdan Rusiya qazına görə ödənişlərin həcmini artırır. Bu, Avropa siyasətçiləri arasında çaşqınlıq və narazılıq yaradır - qəzet bu barədə yazır.

Bu ilin əvvəlindən Parisin Rusiya qazına görə ödənişlərini 600 milyon avronu keçib. Rusiyadan Fransaya LNG tədarükünün artımı digər Aİ ölkələrinin Rusiyadan qaz idxalının həcmini üstələyib.

“Ola bilməz ki, Fransa bir tərəfdən Rusiyaya qarşı sərt davranmalı olduğumuzu desin, digər tərəfdən isə onlara külli miqdarda pul ödəsin” - fikrini bildirən avropalı bürokrat, ancaq adının çəkilməməsi şərti ilə açıq danışa bilib.

Keçən il Rusiya LNG-nin idxalı üçün Aİ ölkələri tərəfindən 8 milyard avro ödənilib. Avropanın Rusiya enerjisindən uzaqlaşmaq cəhdləri uğursuzluğa düçar olur - deyə bürokrat bildirib.