Putin: Rusiyanın enerji obyektlərindəki təxribatın arxasında ABŞ və alternativ təchizat marşrutları olan ölkələr dayanır

Rusiya Enerji Həftəsində çıxış edən Rusiya Federasiyasının Prezidenti Vladimir Putin bildirib ki, Rusiyanın enerji obyektlərindəki təxribatın arxasında Avropanın Rusiya ilə əlaqələrini pozmaq və Avropanı zəiflətmək istəyənlər dayanır.

O deyib ki, "Şimal axınında partlayışdan faydalananların kim olduğu aydındır - bunlar ABŞ və alternativ təchizat marşrutları olan ölkələrdir". 

Putin bu aktı beynəlxalq terror və ən təhlükəli presedent kimi qiymətləndirib. O bu barədə deyib: "Şübhə yoxdur ki, bu, beynəlxalq terror aktıdır, bu, ən təhlükəli presedentdir, ABŞ bununla da avropalıları enerji resurslarını şişirdilmiş qiymətlərlə almağa məcbur edir".

Putin həm dədiqqətə çatdırıb ki, "Rusiya Avropada qaz istehlakının 8%-ni təmin edəcək tutumu 27 milyard kubmetr olan “Şimal axını 2” qaz kəməri vasitəsilə qaz tədarükünə başlamağa hazırdır2.

Bundan əlavə, Rusiya prezidenti Rusiyanın Türkiyəni qaz qovşağına çevrilə biləcəyini bəyan edib: "Rusiya Avropa üçün ən böyük qaz qovşağını Türkiyədə yarada bilər, əgər Avropa bununla maraqlanarsa".

Putin həm də Rusiyanın qiymət həddi təyin edən dövlətləri enerji resursları ilə təmin etməyəcəyini bəyan edib.