Almaniya istehlak qazının qiymətlərinin üç dəfə artacağını gözləyir — BNetzA

Almaniya Federal Elektrik Agentliyinin (BNetzA) rəhbəri Klaus Müller istehlak qazının qiymətinin 3 dəfə artacağı ilə bağlı xəbərdarlıq edib: “Proqnoz verəndə, bu, daha çox sizin necə qızdırdığınızdan, evinizin necə tikilməsindən asılıdır. Bununla belə, əvvəlki qaz ödənişi üç dəfə arta bilər”.

Keçən həftə Rusiya qazının tədarükünün azalması artıq mavi yanacağın qiymətlərinin səviyyəsini 50% artırıb.

Xatırladaq ki, Almaniya vitse-kansleri Habekin qiymətləndirməsi barədə məlumat vermişdik. O, demişdi ki, Almaniyada qaz çatışmazlığı səbəbindən bəzi sənaye müəssisələrinin bağlanması gözlənilir.