Rusiya ixrac üzrə ilk onluğa daxil olub

Rusiya Milli statistika xidmətinin dünyanın 60 ən böyük iqtisadiyyatının statistikası üzrə apardığı araşdırmaya görə, Qərbin misli görünməmiş anti-Rusiya sanksiyaları tətbiq etməsi fonunda Rusiya 2022-ci ildə dünyanın ən böyük ixracatçıları arasında əvvəlki ilə görə tutduğu 12-ci yerdən yüksələrək, 10-cu yeri tutub.

2022-ci ildə Rusiya mal ixracını 591,5 milyard dollara çatdıra bilib. Çin dünyanın ən böyük ixracatçısı olub (3,6 trilyon dollar). İkinci yerdə ABŞ (2,1 trilyon dollar), daha sonra isə Almaniya (1,7 trilyon dollar) gəlir.

İxrac mövqelərini ən çox artıran Səudiyyə Ərəbistanı il ərzində birdən-birə 6 pillə yüksələrək 19-cu yerə, Norveç isə 33-cü yerdən 28-ci yerə yüksəlib. Belçika 16-cı ən böyük ixracatçı olub (əvvəllər 17-ci idi), Avstraliya (20-ci yerdən 18-ci yerə) və İndoneziya (28-ci yerdən 26-cı yerə) mövqelərini iki pillə yaxşılaşdırıblar.