Britaniyada son 40 ilin ən yüksək inflyasiyası - 9,4%

İyun ayında Britaniyada inflyasiya 1982-ci ildən bəri ən böyük inflyasiya olub - 9,4%.

Britaniyanın Milli Statistika İdarəsi bildirib. Mayda inflyasiya 9,1%, apreldə 9%, martda 7% təşkil edib.

İnflyasiyanın sıçrayışına əsas töhfəni enerji qiymətlərindəki artım, o cümlədən qaz və benzinin qiymətində güclü artım, eləcə də ərzaq məhsullarının bahalaşması nəticəsində baş verən kommunal ödənişlərin kəskin artması olub.

Xatırladaq ki, bir qədər əvvəl Britaniya Mərkəzi Bankının Britaniyada inflyasiyanın ikirəqəmli olacağı, iqtisadiyyatın aşağı düşəcəyi ilə bağlı qiymətləndirməsi barədə məlumat vermiş, həmçinin Bloomberg-in Rusiya əleyhinə sanksiyaların ölkədə inflyasiyanın sıçrayışının səbəbi olacağı barədə qiymətləndirməsi haqqında məlumat vermişdik.