Moskva İsrail səfirini izahat üçün çağırdı

Rusiya Xarici İşlər Nazirliyi bazar günü İsrailin Moskvadakı səfirini Yair Lapidin Ukraynada hərbi əməliyyatları pisləyən son açıqlamalarına görə Nazirliyə çağırıb.

İsrailin xarici işlər naziri Yair Lapid bir neçə gün əvvəl şəxsi Tvitter səhifəsində Rusiyanın Ukraynada hərbi cinayətlər törətdiyini yazmışdı.

O, sosial şəbəkədə yazıb: “Ukraynadan gələn görüntülər və sübutlar dəhşətlidir. Rusiya qüvvələri müdafiəsiz mülki əhaliyə qarşı hərbi cinayətlər törədib. Mən bu hərbi cinayətləri qətiyyətlə pisləyirəm."

Rusiya Xarici İşlər Nazirliyi İsrailin Xİ nazirinin belə bir açıqlama ilə çıxış etməsini çirkin hal kimi qiymətləndirib.

Rəsmi Moskva bildirib ki, İsrail Ukraynadakı hərbi əməliyyatlar barədə qalmaqallı açıqlamalar verərək, beynəlxalq ictimaiyyətin fikrini İsrailin uzun illərdir Fələstin xalqına qarşı cinayətlərindən yayındırmaq istəyir