Karlov sui-qəsdinin əsas fiqurlarından biri ABŞ-ın Texas ştatında gizlənir

Rusiya Federasiyasının Türkiyədəki səfiri Andrey Karlovun qatillərindən biri Cemal Karaata və onun CHP seçki qərargahında çalışan vəkili Demir Akan haqqında məlumat vermişdik.

İndi isə məlum olur ki, həmin cinayəti həyata keçirən qrupun digər bir üzvü olan, qətlin birbaşa sifarişçisi olan “Kadir” kod adlı Temel Alsancak Texasda tapılıb. Lüks həyat yaşayan Alsancak Türkiyədə məsuliyyətdən qaçmaq, ümumiyyətlə öz ağalarına sığınmaq istəyən FETÖ üzvlərinə viza vermək üçün 4 qondarma şirkəti qeydiyyatdan keçiribmiş.

Türkiyənin Sabah qəzetinin xüsusi müxbirləri Rusiya Federasiyasının Ankara səfiri Andrey Karlovun qətlini törədən polis məmuru Mövlud Mert Altıntaşa sui-qəsdi sifariş verən, cinayət işi üzrə 1 nömrəli qaçaq müttəhim “Türkiyə polisinin məhrəm imamı” “Kadir” kod adlı Temel Alsancakı Amerika Birləşmiş Ştatlarının Dallas, Texas ştatlarında aşkar edib. 

26 milyon lirəlik villada yaşayır.
Dallas 842 Mustang Ridge Dr, Murphy, TX 75094 ünvanındakı ultra lüks villada gizlənən Alsancak, 27 avqust 2021-ci ildə 817 min dollara aldığı villaya köçüb. Son dərəcə dəbdəbəli villanın hazırkı dəyəri 1,2 milyon dollar civarındadır. Alsancakın bu ünvana köçməzdən əvvəl 2018-2021-ci illər arasında 3 il Richardson, TX, 3109 Fernhurst Dr ünvanındakı villada yaşadığı məlumdur.

Qondarma şirkətlər
Alsancak həyat yoldaşı və qızının adında ticarət firması açıb bağladığı müəyyən edilib. Onun 4 ayrı qondarma şirkət qurduğu və onlardan 2-ni ləğv etdiyi müəyyən edilib. 12 avqust 2020-ci il tarixində "KYLP INC" adlı şirkəti, 811 ALPHA DR ST 331, RICHARDSON, TX 75081, 1 Fevral 2023-cü il tarixdə "KYLP INC" adlı şirkəti " ALSANJAK T1 MMC”, 21 yanvar tarixində onun “ALKİN MMC” şirkətini 2021-ci ildə təsis etdiyi müəyyən edilib. Onun 21 aprel 2021-ci ildə Riçardson bölgəsində “UMUT KEBAB HOUSE LLC” adlı şirkət qurduğu və 10 mart 2023-cü ildə bu şirkəti bağladığı da öyrənilib. Qaçaq FETÖ üzvünün bu şirkətləri həm kəşfiyyat konspirasiyası, həm də qaçan təşkilat üzvlərinə iş vizası almaq üçün vasitə kimi qurduğu müəyyən edilib.

Məxfi əməliyyatın gizli detalları
19 dekabr 2016-cı il tarixli sui-qəsddən əvvəl bütün planlaşdırma və təqibi "MİT Kəşfiyyatla Mübarizə İdarəsinin Rusiya Departamentinin rəsmisi Vehbi Kürşat Akalın təmin edib. MİT imamları Camal Karaata, Atila Öztürk, Polis İmamı Təməl Alsancak və Jurnalist Abdullah Bozkurtdan ibarət qrup yaranıb.

Akalından Ankaraya aldığı məlumatlar Hüseyn Kötüceyə verilib, o da öz növbəsində təşkilatda rəhbəri vəzifəsində olan Turqut Özal Universiteti Müəllim Sadık (Kod) Camal Karaata və bugünkü Zaman Ankara nümayəndəsi, jurnalist Abdullah Bozkurta verib. Tətikçiyə təlimatı isə Abdullah Bozkurt verib.

Hadisədən 3 gün əvvəl sui-qəsd tviti atılıb
Sui-qəsd dosyesinin xaricdə əks ictimai rəy yaratmaq üçün Abdullah Bozkurtun qurucusu olduğu İsveçin paytaxtı Stokholm şəhərində yayımlanan qara təbliğat saytı olan Nordic Monitor vasitəsilə edilməsi düşünülmüşdü. Təşkilat bu hadisəni beynəlxalq diplomatiya dünyasında cihadçı qrupların üzərinə atmağı planlaşdırırdı. Məlum olduğu kimi, Bozkurt sui-qəsddən 3 gün əvvəl Tvitter hesabında “Türkiyədə səfirliklər daha təhlükəsiz deyil” paylaşmışdır. O, əslində bununla sui-qəsdin icrasına başlamaq üçün  işarə etmişdi.

SABAH qəzetinin xüsusi kəşfiyyat bölməsi mənfur terror təşkilatı FETÖ-nün beyin mərkəzindən olan bir çox fərarinin xaricdəki sığınacaqlarını müəyyən edə bilib. FETÖ qaçaqlarından Cevheri Güven Almaniyada, Abdullah Bozkurt, Bülent Keneş, Murat Çetiner, Levent Kenez, Harun Tokak, Mustafa Kamal Şirin İsveçdə; Almaniyada Mehmet Karabörk, Ercan Karakoyun, Celal Fındık və Hayrettin Özkul; Ekrem Dumanlı, Ahmet Can, İsmail Büyükçelebi, Mehmet Emin Kuşçu, Çetin Özgür, İlyas Şahin ABŞ-dadır.. Nəhayət, ABŞ-da Türkiyə Polisinin Şəxsi İmamı 'Kadir' kodlu Temel Alsancak da görünüb.

Qəzetin fikrinə görə, bu terroru həyata keçirənlərin məqsədi Rusiya ilə Türkiyənin müharibə etməsinə nail olmaq idi. Və bu sui-qəsdin törədilməsi üçün göstərişi birbaşa Fətullah Gülənin özü vermişdir.