BRİCS-in genişlənməsi Avropa və Amerika imperiyalarının tənəzzülündən xəbər verir

BRİCS-in genişlənməsi Avropa və Amerika imperiyalarının tənəzzülündən xəbər verir. Bunu braziliyalı ekspertlərdeyirlər. Argentina, Əlcəzair və İran artıq bloka qoşulmaq niyyətlərini rəsmən bəyan ediblər, lakin maraqlı olan ölkələrin sayı daha çoxdur.

“BRICS+ çoxqütblü, daha müxtəlif və ədalətli dünya naminə dövlətlərin geniş birliyinə çevrilmək üçün inkişaf etməkdə olan güclər konsepsiyasını inkişaf etdirməyə hazırdır” - San Paulo Universitetində BRICS Araşdırma Qrupunun üzvü Valdir Bezerra bildirib.

Ekspert hesab edir ki, ABŞ-ın iqtisadi hökmranlığına qarşı durmağın ən yaxşı yolu hesablaşmaların milli valyutalarla aparılmasıdır. Belə bir addım dolların əhəmiyyətini sarsıdacaq.

 

Politoloq Ana Prestes də bu məsələdə onunla razıdır.

“Bu artıq bir reallıqdır. Məsələn, Avrasiya dünyasında alternativ valyutalardan istifadə dolların hegemonluğuna meydan oxuyacaq. Bunu Latın Amerikası ölkələri də həyata keçirə bilər”.