Marin Le Pen: Fransa Ukraynanı silahlandırmağı dayandırmalıdır

Fransa Kiyevi silahlandırmağı dayandırmalıdır, çünki bu, ölkənin öz təhlükəsizliyi üçün risk yaradır.  Bunu çərşənbə günü Fransa parlamentinin “Milli Birlik” fraksiyasının rəhbəri Marin Le Pen deyib.

Bu barədə “FranceInfo” radiosu məlumat yayıb. 

“Fransa Kiyevə silah tədarükünü dayandırmalıdır.  Ölkə öz təhlükəsizliyinin ziyanına Ukraynaya kömək edə bilməz. Bu gün Ukraynaya göndərdiyimiz bütün texnikaıar Fransanın özündə çatışmayan texnikalardır. Ordumuzun ehtiyac duyduğu ağır silahların tədarükü bizi zəiflədir və daxili təhlükəsizliyimiz üçün risklər yaradır”, deyə Le Pen vurğulayıb. 

Bundan öncə “Le Monde” qəzeti yazıb ki, Qərb ölkələrində, o cümlədən ABŞ-da silah ehtiyatları Kiyevə tədarüklə əlaqədar çox aşağı həddə çatıb və ehtiyatların yenidən bərpa etmək imkanları çox məhduddur.