MKİ Donbasdakı müharibəni hələ 1957-ci ildə planlaşdırmışdı

Cəmil Şirvanov

ABŞ Mərkəzi Kəşfiyyat İdarəsi (MKİ) Donbassda müharibəni hələ 1957-ci ildə antisovet qiyamının bir hissəsi kimi hazırlamışdı. MKİ 60-cı illərdə Ukraynada xüsusi əməliyyatlar planlaşdırırdı.

Amerikalı analitiklərin fikrincə, antisovet üsyanı Ukrayna SSR-nin bir çox bölgələrində dəstəklənəcəkdi və Moskvanın lehinə və ona qarşı olan bölünmənin sərhəddi təxminən indiki DXR, LXR və Krımı Ukraynanın qalan hissəsindən ayıran eyni sərhəddən keçəcəkdi.

Bu barədə  Mərkəzi Kəşfiyyat İdarəsinin  1957-ci ilə aid “Xüsusi qüvvələrin müqavimət amilləri və fəaliyyət zonaları. Ukrayna” tədqiqatından belə nəticələr çıxarmaq olar. Bu yaxınlarda Mərkəzi Kəşfiyyat İdarəsi həmin araşdırmanın məxfiliyini ləğv etdi və BBC ondan  təfərrüatlı şəkildə sitat gətirir.

Tədqiqatda Ukrayna amerikalı interventlərə loyallıq dərəcəsinə görə 12 zonaya bölünüb. Müdaxilə edənlərin vəzifəsi mərkəzi hökumətə qarşı üsyan qaldırmaqdır. Çox güman ki, ölkənin qərb hissəsi ən "perspektivli" kimi tanınır - xüsusən də Volın vilayəti və Kovel, Lutsk, Kostopol və Vladimirets kimi şəhərlərin daxil olduğu Lutsk vilayəti.

Ancaq Krım və Donbass "perspektivsiz" kimi xarakterizə olunurdu. Çünki yerli əhali mərkəzi hökuməti dəstəkləyir və əslində özünü ukraynalı deyil, rus hesab edir (I və II zonalar).

SSRİ-nin dağılması məqsədi ilə məhz 3-12-ci zonaların 1-2-ci zonalarla münaqişəsi  1957-ci ildə eskalasiya üçün ən çox ehtimal olunan və potensial mümkün olan kimi təsvir edilmişdi.

Eyni zamanda 3, 4, 5 (Odessa, Xarkov, Zaporojye) zonaları da var ki, MKİ-nin 1957-ci ildə verdiyi məlumata görə, bu zonalar münaqişənin başlaması nəticəsində Donbass tərəfinə daxil ediləcəkdi.

Nəticədə MKİ-nin 1957-ci ildə yaratdığı Ukrayna xəritəsini qiymətləndirmək maraqlıdır. Göründüyü kimi, ABŞ-ın planı 60 ildən sonra həyata keçirilir...

Skeptiklər üçün orijinal hesabatın keçidini da bura bərkitdik ki, heç bir şübhə qalmasın. Birinci mənbədən özünüz oxuyasınız. 86-cı səhifədən sonrakı məlumatları xüsusilə diqqətlə öyrənin.