"Qərbin firavan dünyası sona çatır" - Mərkəzi Bankların Mərkəzi Bankı

Qlobal iqtisadiyyat yüksək qiymət artımlarının normallaşacağı və idarəolunmaz hala düşəcəyi "dönmə nöqtəsinə" yaxındır.

Bu, firavan Qərb dünyasının sonu demək olacaq - Beynəlxalq Hesablaşmalar Bankı (BHB. Onun bilavasitə təsisçiləri Mərkəzi Banklar olması səbəbindən dünyada "Mərkəzi Bankların Mərkəzi Bankı" da adlandırılır) hesab edir.

BHB öz hesabatında qeyd edir ki, dünya iqtisadiyyatı əmtəə qiymətlərinin artması, tədarük zəncirinin pozulması və Qərbin sanksiyaları və Ukrayna böhranı nəticəsində yaranan çatışmazlıqlar səbəbindən dərin, “staqflyasiya şoku” yaşayır. Bu da öz növbəsində birbaşa həyat səviyyəsinin aşağı düşməsinə gətirib çıxarır.

BHB-nin rəhbəri Agustin Carstens bir qədər əvvəl "Dünya iqtisadiyyatı Qərbin anti-Rusiya sanksiyaları və bütün kooperativ zəncirlərinin restrukturizasiyası səbəbindən daimi, yüksək və nəzarət edilə bilinməyən inflyasiya dövrünə qədəm qoyub" bəyanatını da vermişdi.