Qərb Rusiyaya qarşı sanksiyalardan əziyyət çəkir və məyusdur - The New York Times

“The New York Times” (NYT) “ABŞ-ın rəhbərlik etdiyi alyans Rusiyaya qarşı sanksiyalara görə məyusluq və ağrı ilə üzləşir” məqaləsində ABŞ və Aİ-nin anti-Rusiya sanksiyalarının tətbiqindən sonra yaşadıqları iqtisadi təzyiqi gözləmədiklərini bildirir.

Xüsusən də ABŞ və Aİ-də Rusiya neftinin idxalından imtina və ya elan edilən azalmadan sonra enerji qiymətləri kəskin şəkildə artıb. Eyni zamanda, NYT qeyd edir ki, Rusiya sanksiyaların təzyiqi altında neft və qaz satışından əldə etdiyi gəlirləri artırır.

NYT Carnegie Endowment-in vitse-prezidenti Andrew Weiss-ə istinad edərək, Qərb iqtisadiyyatlarının onların hökumətlərinin gözlədiyindən daha həssas olduğunu yazıb və payızdakı Konqres seçkilərində Respublikaçılar Partiyasının artan yaşayış xərclərindən "yaxşı fayda götürəcəyini" proqnozlaşdırır.

Xatırladaq ki, Britaniyanın Financial Times nəşri də iqtisadi böhranın dərinləşərək siyasi böhranı şərtləndirəcəyi barədə yazmışdı.