Fransa və Almaniya Rusiyanı silahlandırırlar

Nadir Qocabəyli:

"NOOLDU PAŞİNYAN?!" SİLSİLƏSİNDƏN...

Fransa və Almaniya Rusiyanı 273 milyon avro dəyərində (230 milyon funt sterlinq) hərbi texnika ilə silahlandırıblar.

Bu barədə "The Daily Telegraph" məlumat verib. Bildirilir ki, 2014-cü ildə Krımın ilhaqından sonra Rusiyaya silah göndərilməsinə Aİ tərəfindən tətbiq edilən embarqoya baxmayaraq, onlar Moskvaya bombalar, raketlər və raket avadanlıqlarını göndəriblər.

Avropa Komissiyası bu ay ən azı 10 üzv dövlətin Vladimir Putin rejiminə demək olar ki, 350 milyon avro (294 milyon funt sterlinq) dəyərində hərbi avadanlıq ixrac etdiyi aşkar edildikdən sonra blokadadakı boşluğu bağlamağa məcbur olub. Bu, ümumi məbləğin təxminən 78 faizi Almaniya və Fransa firmaları tərəfindən təmin edilib.

Almaniya kansleri Olaf Şolz bu həftə Ukraynaya ağır silahlar vermək istəmədiyinə görə sərt tənqidlərlə üzləşib. Emmanuel Makron isə Putinlə danışıqlar aparmaq səyləri baş tutandan sonra "sakitləşməkdə" ittiham olunur.

Həm Paris, həm də Berlin Aİ-nin Rusiyadan qaz almasına qadağa qoymasına qarşı çıxıb, blok hazırda enerji təchizatı üçün Moskvaya gündə 1 milyard avro (840 milyon funt sterlinq) ödəyir.

Cümə günü Yeni Dehlidə Boris Conson Ukraynanın Varşavadan Sovet dövründən qalma "T-72" modellərini ala bilməsi üçün Polşaya Britaniya tanklarını göndərmək planlarını elan edərək, Rusiyanın hələ də müharibədə qalib gələ biləcəyi barədə xəbərdarlıq edib. Rusiyanın Ukraynadakı müharibədə qalib gələ biləcəyi sualına baş nazir bunun “real imkan” olduğunu və Moskvanın Mariupolu ələ keçirməyə çox yaxın olduğunu etiraf edib.