Nadir Qocabəyli: Liberallar əyri və nadürüst adamlardır.

Liberallar əyri və nadürüst adamlardır.

Onlar heç vaxt açıq danışmır, əməldə inkar etdikləri əxlaqı, mənəvi dəyərləri sözdə təqdir edirlər. Onlar heç vaxt rəqiblərinə birbaşa etiraz etmir, bunu axmaqlara etdirirlər. Hər zaman mövzudan yayınmaqla rəqibi azdırmağa çalışırlar. Onlar öz düşmənlərini görməməzliyə vurmaqla özlərini böyük tutur və ona qarşı gizli tədbirlər görürlər. Onlar ibarəli terminlər arxasında gizlənməyi xoşlayırlar. Liberal pul və şöhrət, hakimiyyət üçün hər şeyindən keçməyə hazırdır. Liberal öz adını çox asanlıqla, gözünü qırpmadan başqasına qoya bilir. Liberal, qılığına girmək, rəğbət oyatmaq üçün əvvəlcə səni tərifləyir, diqqət göstərir, fürsət düşən kimi sancır, arxadan vurur, tanımaq istəmir. Liberal ancaq başqalarından fayda güdür, faydası olmayan hər şeyi anındaca kəsib ata bilir. Onun vicdanı amputasiya olunub. Liberal heç vaxt açıq döyüşə girmir, əlbəyaxa dava zamanı arvad kimi saç yolan, xayalardan yapışan, cırmaq atan kişiyə bənzəyir. Amma əsl kişi heç vaxt bunları etmir...

Liberalın gücü lazım gələndə özünü sənin kimi qələmə verə bilməyindədir. Amma sən özünü heç vaxt liberal kimi apara bilmirsən və bu səni uduzdurur. Liberal iz qoymağı xoşlamır. O, birbaşa öldürmür, güllələmir, asmır. O elə edir ki, səni bir başqası öldürür və sonra gəlib qəbrinin üstünə çiçək qoyur. Ya da səni intihara sövq edir. Qılığına girib, yeməyinə, çayına zəhər qatır...

Liberalizm ümumiyyətlə qanqrenadır, onu sadəcə kəsib atmaq lazımdır, yoxsa bütün cəmiyyəti çürüdəcək...