SWIFT-in Rusiya analoquna 52 xarici təşkilat qoşulub

Rusiyanın Ukraynadakı xüsusi əməliyyatı başlandıqdan sonra ölkənin bir çox bankları SWIFT sistemindən ayrılıb.

Rusiyanın SWIFT-ə analoq olaraq yaratdığı maliyyə məlumatlarının ötürülməsi sisteminə (MMÖS) artıq 52 xarici təşkilat qoşulub. RİA Novosti xəbər verir ki, bunu Rusiya Mərkəzi Bankının sədri Elvira Nabiullina bildirib.

Mərkəzi Bankın rəhbəri Elvira Nabiullina Dövlət Dumasında çıxışı zamanı Rusiya hakimiyyəti Rusiya aktivlərini qorumaq üçün müəyyən yurisdiksiyalara və şirkətlərə qarşı hüquqi tədbirlər hazırlayır.

Deputatların maliyyə bazarlarında və ehtiyatlarla bağlı problemləri nəzərə alaraq, ölkənin aktivlərini və rezidentlərini qorumaq üçün ayrı-ayrı yurisdiksiyalar və ya şirkətlərlə bağlı hansı hüquqi hərəkətlərin hazırlanması ilə bağlı sualını cavablandırarkən Nabiullina bildirib ki, Rusiya bu cür qanuni hərəkətləri planlaşdırır:

"Başqa cür ola bilməz, lakin onlar diqqətlə düşünülüb əsaslandırılmalıdır ki, istədiyimiz nəticəni əldə edək. Biz buna hazırlaşırıq”.

Ukraynanın demilitarizasiyası və denasifikasiyası üzrə Rusiyanın hərbi xüsusi əməliyyatının başlamasından sonra Avropa İttifaqı SWIFT sistemindən ölkənin yeddi böyük bankını ayırıb: VTB, "Rossiya", "Otkrıtiye", "Novikombank", "Promsvyazbank", "Sovkombank" və "Vneşekonombank".
Rusiya Mərkəzi Bankın aprelin ortalarında verdiyi məlumata görə, MMÖS istifadəçilərinin ümumi sayı 330 bank və şirkəti ötüb.