Bir daha Azərbaycanın Qərbə sitayiş edən müxalifəti barədə

Cəmil Şirvanov

Şəkillərdə Azərbaycanın özünü ən bomba "müxalifət" sayan Real Partiyasının icra katibi, siyasi cəhətdən bisavad gənclərin ağzının suyunu axıda-axıda dinlədikləri, dahi sandıqları, lakin savadının bir qəpiyə dəymədiyi ucuz "siyasətçi" olan Natiq Cəfərlinin o günkü aksiyada Tofiq Yaqublunun döyülməsini də Rusiyaya bağlaması haqqında yazdığı Facebook statusudur. Adam o qədər qafildir ki, Brüsseldə hansısa sazişin imzalanacağına, ABŞ-ın və Avropa Birliyinin Qarabağ münaqişəsinin nizamlanmasında hansısa həlledici rola malik olmasına inanır. Üstəlik Brüssel "sazişinin" pozulması naminə "paqonların" belə bir təxribata getdiyinə və "paqonların" Kreml tərəfindən idarə edildiyinə əminlik ifadə edir.

Natiq! Qadan Baydenin ürəyinə, eləmə!

Azərbaycanın Qərbə sitayiş edən müxalifətinə dəfələrlə məsləhət görmüşəm ki, siz ciddi siyasətlə məşğul olmayın. Profilinizi dəyişib Hilari xalanın kurasiyasında olan sahədə - LGBT hüquqlarının müdafiəsi və bu "dəyərlərin" təşviqi ilə bağlı QHT-lərdə fəaliyyət göstərməklə daha çox hörmətli və pullu olarsız.

Vallahi-billahi xeyri yoxdur. Biz Qərbə inteqrasiya etməyəcəyik.

Yolumuz Şərqə - Avrasiya Birliyinədir.