Bəşər Əsədin andiçmə mərasimi keçirilib

Suriyada keçirilən prezident seçkilərində qələbə çalan Bəşər Əsəd and içib.

Mərasimdə parlament sədri və üzvləri, siyasətçilər, partiya liderləri, elm və ictimai xadimlər iştirak ediblər.

Bu barədə Suriyaın dövlət xəbər agentliyi olan “SANA”  agentliyi məlumat verir.

Andiçmə mərasimindən sonra Əsəd xalqa müraciət edib. O deyib ki, xalqın birliyi sayəsində Suriya özünü kifayət qədər müdafiə etdi.

Suriyada prezident seçkiləri 26 mayda keçirilib. Ölkənin bütün əyalətlərində 12 min, habelə xaricdəki diplomatik nümayəndəliklərində 46 seçki məntəqəsi yaradılmışdı. Seçkilərdə ümumilikdə 14,2 milyon suriyalı iştirak edib, seçici fəallığı 78,64% olub. Rəsmi məlumata görə, hazırkı dövlət başçısı Bəşər Əsəd seçicilərin 95,1% -nin dəstəyini alaraq qələbə qazanıb.