Qərb-Şərq şahmat yarışının "Protaseviç" partiyasında Lukaşenko qalibdir

Cəmil Şirvanov 

Belarusiyada bir müddət əvvəl həbs edilən məşhur Protaseviçin müdafiəsinə qalxan "azad media orqanları", Qərb dövlətləri və onların yerlərdə olan tulalarının nədənsə son iki həftədə səsləri çıxmır. Hətta Lukaşenkonun çəxsən Protaseviçə işgəncə verdiyini iddia edən, canlı efirdə, mətbuat konfransında jurnalistlərin suallarına cavab verən Protaseviçə inanmayıb onun dediyi sözlərini işgəncə altında və qorxusundan dediyini iddia edən liboşlar, hüquq müdafiəçiləri ağzına su alıb oturublar. 

Maraqlıdır, görəsən həbs olunduğu ilk günlərdə onunla görüşmək, suallar verib danışdırmaq istəyən media mənsubları, qrantəmən hüquq müdafiəçiləri indi niyə onunla görüşməkdən, suallar verməkdən yayınırlar. Axı o artıq türmədə deyil. Ev dustağıdır. Sosial şəbəkədən istifadəsinə icazə verilib. Nəinki tvitterdə yazılı cavablar verir, hətta canlı yayım edir. deyir ki, istənilən sualınıza cavab verməyə hazıram.  Parkda gəzişir, sevgilisi ilə dolaşır(əlbəttə ki nəzarət altında), özünü yaxşı hiss edir. heç bir işgəncə əlaməti hiss olunmur. Ən əsası isə  Qərb maraqlarını müdafiə edən jurnalyuqaları açıq dialoqa səsləyir. Lakin onlar isə bu cür söhbətdən qaçırlar. 

Əslində səbəb məlumdur. artıq Protaseviçin dedikləri onların sahiblərinə sərf eləmir. Ondan zalım diktatorun - Lukaşenkonun qurbanı obrazı yaradıb istifadə edə bilmirlər. Protaseviç artıq Qərbin əlində deyil, Lukaşenkonun əlində bir silaha çevrilib. Bu cür əks hücum etmək bacarığı olan Lukaşenkoya(əlbəttə ki xüsusi xidmət orqanlarının sayəsində) kolxoz sədri deyənlərin özləri heç həmin kolxozda inək otaran vəzifəsinə də layiq deyillər . Lukaşenko son bir ildə özünü təkcə təsərrüfatçı bir rəhbər kimi deyil, həm də böyük siyasi oyunların qrossmeysteri kimi göstərdi.