Ərdoğan və Si Cinpin danışıqları barəsində iki fərqli açıqlama

Türkiyə Prezidenti Rəcəb Tayyib Ərdoğan ilə Çin dövlət başçısı Si Cinpin arasında telefon danışığı baş tutub.   

Bu barədə Türkiyə Prezident Administrasiyasının mətbuat xidmətindən məlumat verilib.

Məlumatda vurğulanır ki, telefon danışığı zamanı iki tərəfli əlaqələr və əməkdaşlıq məsələləri müzakirə olunub.
 
Türkiyə Prezidenti Rəcəb Tayyib Ərdoğanın Çindəki Uyğur türklərinin vəziyyətlərini müzakirə etdiyi və onların haqlarının qorunmasının zəruri olduğunu Xi Çinpinqə dediyi bildirilir.

Çin Xarici İşlər Nazirliyi isə yaydığı məlumatda əlaqələrdən və əməkdaşlıq məsələlərindən söz açıb.   Bundan əlavə Çin XİN qeyd edib ki, Rəcəb Tayyib Ərdoğan Çin dövlət başçısına Türkiyə ərazilərinin Çinə qarşı istifadə olunmayacağını və separatçı fikirləri dəstəkləməyəcəklərini diqqətə çatdırıb.