Pakistan: ABŞ-a heç bir hərbi baza verməyəcəyik

Pakistan Daxili İşlər naziri bir mətbuat konfransı zamanı Əfqanıstandakı sülh məsələsinin əhəmiyyətinə toxunaraq, İslamabadın hərbi bazanın ABŞ-a verilməməsi mövqeyini vurğulayıb. 

Pakistan Daxili İşlər naziri Şeyx Rəşid ABŞ əsgərlərinin Əfqanıstandan çıxdığını iddia edərək, İslamabadın hərbi bazanın ABŞ-a verilməməsi qərarına sadiq qalmağa davam edəcəyini təkrarlayıb:

"Hökümət və müxalifət bu mövzuda eyni mövqedədir. Pakistan Əfqanıstanda sülhün bərqərar olmasını istəyir. "Taliban"la danışıqlara başlamaq yalnız Pakistan üçün deyil, bütövlükdə bölgə üçün vacibdir. İslamabad Əfqanıstandakı əməliyyatlar üçün Pakistan bazalarını heç kimə verməyəcək. Heç bir super güc Pakistanı göz ardı edə bilməz. Bizə qarşı heç bir təzyiq yoxdur". 

"Taliban"ın yanaşmasının dəyişdiyini qeyd edən Rəşid Pakistanın siyasətinin də dəyişdiyini və İslamabadın Əfqanıstandakı xalqının dəstəyini alan istənilən hökuməti tanıdığını söyləyib.