Putin: Birqütblü dünya arxada qalır, çoxqütblü dünyanın konturları cızılır

Rusiya Federasiyasının Prezidenti Vladimir Putin birqütblü dünya nizamının tarixə qovuşduğunu deyib.Onun fikrincə, qlobalist elitalar dünyanı parazit neokolonializmin məngənəsində saxlamağa çalışırlar. Tarixi miqyasda geosiyasi dəyişikliklər isə tamam başqa istiqamətdə gedir.

O, bu barədə 10-cu Moskva Beynəlxalq Təhlükəsislik Konfransında çıxışı zamanı bəyan edib.

Onun çıxışından əsas məqamları diqqətinizə çatıdırırıq:

Dünyada vəziyyət dinamik şəkildə dəyişir, çoxqütblü dünya düzəninin konturları formalaşır. Getdikcə daha çox ölkə və xalq öz identikliyinə, adət-ənənələrinə, dəyərlərinə əsaslanaraq azad, suveren inkişaf yolunu seçir.

Qərbin qlobalist elitaları bu obyektiv prosesə mane olur, xaosa provokasiya edirlər, köhnə və yeni münaqişələri alovlandırır, sözdə çəkindirici siyasəti, faktiki olaraq isə istənilən alternativ, suveren inkişaf yollarını məhv etməyə çalışırlar. Beləliklə, onlar bütün gücləri ilə əllərindən sürüşən hegemonluğu və hakimiyyəti qorumağa çalışır, ölkələri və xalqları neokolonial nizamın məngənəsində saxlamağa çalışırlar. Onların hegemonluğu bütün dünya üçün, bütün sivilizasiya üçün durğunluq, qaranlıqlıq və mədəniyyətin ləğvi, neoliberal totalitarizm deməkdir.

ABŞ və onun vassalları suveren dövlətlərin daxili işlərinə kobud şəkildə müdaxilə edirlər: təxribatlar, dövlət çevrilişləri, vətəndaş müharibələri təşkil edirlər. Təhdidlər, şantaj və təzyiqlərlə müstəqil dövlətləri öz iradəsinə tabe olmağa, onlara yad qaydalarla yaşamağa məcbur etməyə çalışırlar.

Bütün bunlar bir məqsədlə - dominantlığını qorumaq üçün edilir. Əsrlər əvvəl olduğu kimi bütün dünya üzrə parazitləşməyə imkan verən modeli qorumağa çalışırlar. Və belə modeli ancaq zorla saxlamaq olar.

Kollektiv Qərb Avropanın təhlükəsizlik sistemini qəsdən məhv edir, yeni hərbi ittifaqlar yaradır. NATO bloku Şərqə doğru hərəkət edir, öz hərbi infrastrukturunu, o cümlədən raketdən müdafiə sistemlərini yerləşdirir və hücum qüvvələrinin zərbə imkanlarını artırır. Sözlə desək, bu, riyakarlıqla Avropada təhlükəsizliyin gücləndirilməsi zərurəti elan edilir, amma reallıqda isə bunun əksi baş verir.

Onlara hegemonluqlarını saxlamaq üçün münaqişə lazımdır. Buna görə də Ukrayna xalqı üçün yem taleyini hazırladılar, "anti-Rusiya" layihəsini həyata keçirdilər, neonasist ideologiyasının yayılmasına, Donbass sakinlərinin qırğınlarına göz yumdular, pompaladılar və vurmağa davam etdilər.

Ukraynadakı vəziyyət onu göstərir ki, ABŞ bu münaqişəni uzatmağa çalışır. Və onlar eyni şəkildə hərəkət edərək Asiya, Afrika və Latın Amerikasında münaqişə potensialını gücləndirirlər. Bildiyiniz kimi, bu yaxınlarda ABŞ növbəti dəfə qəsdən odun üstünə yağ tökməyə və Asiya-Sakit Okean regionunda vəziyyəti sarsıtmağa cəhd etdi. Amerikanın Tayvana münasibətdə son macərası sadəcə fərdi məsuliyyətsiz siyasətçinin səfəri deyil, ABŞ-ın regionda və dünyada vəziyyəti destabilizasiya və xaotikləşdirmək üçün məqsədyönlü, şüurlu strategiyasının bir hissəsi, digər dövlətlərin suverenliyinə ökələrə və beynəlxalq öhdəliklərinə hörmətsizliyin həyasızcasına nümayişidir. Biz bunu diqqətlə planlaşdırılmış təxribat kimi qiymətləndiririk.

Bu cür hərəkətlərin köməyi ilə Qərbin qlobalist elitası başqa şeylərlə yanaşı, öz vətəndaşlarının diqqətini kəskin sosial-iqtisadi problemlərdən - həyat səviyyəsinin aşağı düşməsindən, işsizlikdən, yoxsulluqdan, deindustralizasiyadan yayındırmağa çalışırlar, öz uğursuzluqlarını digər ölkələrə - Rusiyaya, öz nöqteyi-nəzərini müdafiə edən, qlobalist elitanın diktəsinə tabe olmayan suveren inkişaf siyasəti quran Çinin üzərinə atmağa çalışırlar.

Biz həmçinin görürük ki, kollektiv Qərb öz blok sistemini Avropadakı NATO-ya bənzəyən şəkildə Asiya-Sakit Okean regionuna genişləndirməyə çalışır. Bu məqsədlə AUKUS və başqa bu kimi aqressiv hərbi-siyasi ittifaqlar yaradılır. Aydındır ki, yalnız müasir çoxqütblü dünya sistemini əsaslı şəkildə gücləndirməklə dünyada gərginliyi azaltmaq, hərbi-siyasi sahədə təhdid və riskləri aradan qaldırmaq, ölkələr arasında etimad səviyyəsini artırmaq və onların davamlı inkişafını təmin etmək mümkündür.

Birqütblü dünya nizamı dövrü keçmişə doğru gedərək sönür. Mövcud qlobalist modeldən faydalananların bu vəziyyətə necə yapışmasından asılı olmayaraq, o, məhvə məhkumdur. Tarixi miqyasda geosiyasi dəyişikliklər tamam başqa istiqamətdə gedir.