Yazdığınız hərfləri belə Sovet öyrədib sizə, ay naşukürlər!

Vasif Seyfullayev

Sovetin çörəyinin duzu itib. Şura hökuməti barmağını bala batırıb kimin ağzına saldısa indi o naşukürlər həmin barmağı dişləyirlər.
Bir qrup liberal yerpənəy düşüb ortalığa, rusu xalqımıza düşmən kimi tanıtdırmağa çalışırlar.

Rus haqqında gündə bir bəd xəbər (əslində bəddua - Fətulla Gülənin həmin o bəddualarından) quraşdırıb mətbuatda və sosial şəbəkələrdə yayırlar.
O danışdığınız nağıllara heç olmasa özünüz inanırsanmı, ay biçarələr?

Sovet vaxtı yaltaqlıq çox idi, ya indi?

Sovet vaxtı dölət idarələrində kişilik vardı, mərdlik vardı, xalqa diqqət vardı.

Sovetin çörəyi ilə, təhsili ilə adam olub böyümüsunüz, amma indi guya ki Soveti bəyənmirsiz.

Ürəyiniz qan ağlayır Sovetçün, sadəcə xaricdən aldığınız pullar sizə dedizdirir o sözləri.

Bircə dəfə güzgünün qabağında oturub özünüzə bəzi sualları verin, bəlkə olmayan vicdanınız oyana.

Sovet kimin çoban babasını güclə dağdan salıb yazıb-oxumağı öyrətdisə, indi onların tör-töküntüləri o cür hökumətə şıllaq atır.

Yazdığınız hərfləri belə Sovet öyrədib sizə, ay naşukürlər!

İndiki təhsillə uşaqlarınız da sizin kimi iki eşşəyin arpasını belə bölə bilmirlər.

Rusu söyənlərədi sözüm: Burnunuzdan gəlsin, gözunüzü tutsun Leninin, Stalinin, Brejnevin babalarınız və sizin üçün elədikləri!