NATO Əfqanıstandakı missiyasını başa vurduğunu elan etdi

NATO Əfqanıstandakı missiyasını tamamladığı və müttəfiqlərin hazırda yalnız Kabil hava limanının ərazisində olduğu açıqlanıb.

Bunu NATO-nun Baş katib Yens Stoltenberq alyansın xarici işlər nazirləri ilə keçirilən videokonfransdan sonra deyib.

Baş katib hər bir ölkənin Əfqanıstana çatdırılan silah və texnikaya görə məsuliyyət daşıdığını bildirib: “Bir sıra ölkələr Əfqanıstanda bütün qüvvələrini və texnikalarını geri qaytarmaq üçün mümkün olan hər şeyi etdi”.

Yens Stoltenberq əlavə edib ki, bir çox müttəfiq ölkələr bugünkü iclasda əfqanları qəbul etmək təklifi ilə çıxış ediblər: “Əgər əfqanları təxliyə edə bilsək, onları müvəqqəti və ya daimi olaraq qəbul etməyə hazır olan ölkələr var. Bu ölkələr əfqanların ardınca təyyarə göndərməyə hazır olduqlarını açıqladılar”.