Aleksey Yerxov: Türkiyənin yanındayıq

Rusiyanın Ankaradakı səfiri Aleksey Yerxov, rus təyyarələrinin meşə yanğınlarını söndürmək üçün Türkiyədə olduğunu söylədi. Türkiyə ilə Rusiya arasında hər sahədə əməkdaşlığın əhəmiyyətinə diqqət çəkdi.

"A Haber"-ə danışan Yerxov, "Bu təhlükəli vəziyyətin ortaya çıxması ilə Türkiyənin dostları və ortaqları ona kömək əlini uzatdı. Ölkəmin, Rusiyanın ön sıralarda olması məni sevindirir " dedi. 

Turkrus xəbər saytının verdiyi xəbərə görə, Rusiyanın meşə yanğınları ilə mübarizədə Türkiyənin yanında olduğunu vurğulayan Yerxov, “Rus aviasiya qrupu hazırda Türkiyədə fəaliyyət göstərir. Sözügedən aviasiya qrupu, yanğınsöndürmə vasitələri ilə təchiz edilmiş təyyarə və vertolyotlardan ibarətdir. Hazırda beş böyük "İlyusin İl-76" tipli təyyarə, üç "Beryev Be-200" tipli unikal amfibiya təyyarəsi və xüsusi yanğın sistemli üç vertolyot Türkiyədədir. Pilotlarımızın səyləri, türk yanğınsöndürmə briqadalarının və Türkiyə səlahiyyətlilərinin fəaliyyəti ilə birlikdə Türkiyədə meşə yanğınlarının qarşısını almağa kömək edəcək. Rusiya olaraq bütün ümidlərimizi buna bağlayırıq " dedi.

Səfir Yerxov, Türkiyə ilə Rusiyanın yalnız fəlakətlərdə deyil, bir çox sahələrdə birlikdə çalışdıqlarını xatırlatdı.

"Əvvəla, Rusiya ilə Türkiyə arasındakı möhkəm əlaqələr ölkələrimiz üçün son dərəcə vacibdir." Rusiya səfiri, “Həm Rusiya, həm də Türkiyə, turizm, enerji, mədəniyyət və ticarət də daxil olmaqla bir çox sahədə dostluğun və qarşılıqlı faydalı əməkdaşlığın möhkəmləndirilməsində maraqlıdır. Bu arada, keçən həftə keçirilən Rusiya-Türkiyə Birgə İqtisadi Komissiyasının iclasında, ticarət sahəsində epidemiyanın vurduğu ziyanı aradan qaldıraraq demək olar ki, pandemiyaya qədərki səviyyəsinə çatdığımızı müəyyən etdik. " dedi.

Astana prosesindən bu yana Suriyada münaqişənin siyasi həlli üçün Türkiyə ilə Rusiya arasında əməkdaşlığın əhəmiyyətini bir daha vurğulayan Yerxov, “Rusiya ilə Türkiyə arasında qarşılıqlı anlaşmanın hökm sürdüyü və iki ölkənin səmərəli şəkildə birlikdə çalışdığı bölgələrdə, sülhün gücləndirilməsi və sabitlik və münaqişələrin həlli əhəmiyyətli dərəcədə artır. Bunun gözəl bir nümunəsi Suriyadır. Suriya probleminin həlli, konstitusiya komitəsinin fəaliyyətinin sürətləndirilməsi və aktivləşdirilməsi, İdlibin deeskalasiya zonasında və digər bölgələrdə sülhün və təhlükəsizliyin möhkəmləndirilməsi üçün atıla biləcək hərəkətlər birlikdə qiymətləndirilir. Şadam ki, müzakirə olunan bir çox məsələlərdə Rusiya və Türkiyənin fikirləri ya yaxındır ya da üst -üstə düşür. Ümumiyyətlə, deyə bilərik ki, indi Rusiya və Türkiyənin həm Astana formatında, həm də digər sahələrdə birgə səyləri çox uğurludur ” deyə bildirmişdir. 

Sputnik Türkiye