Aleksandr Duqin: Liberallar sadəcə rədd olmalıdırlar!

Avrasiya Hərəkatının lideri Aleksandr Duqin özünün telegram kanalında liberalların Rusiyadakı dövranının sonunun gəlməsi, onların bütün elitadan qovulması barədə yazısı maraq doğurur. Onun fikrincə, liberallar bütün idarəetmə vəzifələrindən qovbulmalı, 6-cı kolonun fəaliyyətinə göz yumulmamalıdır. Beləliklə o, yazır:

"Liberallar Rusiyanı 30 il idarə etdilər.
Əvvəlcə açıq şəkildə, sonra altıncı kolon şəklində. Lakin onların bizə, cəmiyyətimizə, kimliyimizə, tariximizə olan nifrəti hədsiz idi. Və onlar üçün rus vətənpərvəri ya da Kadırov, fərqi yoxdur. Onlar Rusiyanı güclü və azad edən, ona sadiq olan və öz taleyini Vətəndən kənarda görməyən hər şeyin düşmənidirlər.

İndi onlar xalqımızı qətlə yetirən, Toçka-U-dan şəhərlərimizi atəşə tutan, rus əsgərlərini diri-diri yandıran düşmənlərə birbaşa şərik kimi görünürlər. Pivovarovlar, Mau, Çubayslar, Qluxovskilər, Yeltsin Mərkəzləri, Memoriallar, “Novaya qazeta”lar, “Exo Moskvı”lar və onların keçmiş işçiləri qalan liberal mediaya səpələniblər və prezidentə, xalqa, orduya, cəmiyyətə zəhər səpməkdə davam edirlər. Təbii ki, indi əvvəlki kimi açıq deyil.

Biz hələ qalib gəlməmişik, amma onlar artıq məğlub olublar. Və onların sonu qaçılmazdır. Bu, əvvəlcədən müəyyən edilmiş bir şeydir.

Onlar ölkəni idarə edib bizi məsxərəyə qoydular, ekranlardan düşmədilər, müəssisələri, teatrları, kanalları, neftimizi, qazımızı, alüminiumumuzu, poladımızı ələ keçirdilər.

Lakin 24 fevral 2022-ci il tarixi tarixi dərhal onları suverenliklərindən məhrum etdi. Liberal elita artıq suveren deyil.

Yalnız Prezident suverendir.
Bu gün xalq hələ suveren deyil, sabah həm prezident, həm də xalq olacaq. Və bunların arasında heç bir ziddiyyət yoxdur. Yalnız Rusiyaya nifrət edənlərlə ziddiyyətlər var. Yəni liberallarla, xarici agentlərlə, atlantistlərlə, qərblilərlə.

Qisasçı və qan çanağı olmağa lüzum yoxdur. Onlar sadəcə rədd olmalıdırlar. Yaxşı olar ki, könüllü. Və mümkün qədər tez.
Vaxtınız bitdi. Tarixin saatı Rusiya istiqamətində işləyir. Əşyalarınızla birlikdə çıxışa doğru!"

Ctrl

Enter

Səhv gördün

Mətni seçin və Ctrl+Enter

Şərh yaz (0)