Rusiyadan Avropaya neft tədarükü gündəlik 300 000 barel artıb

Aprel ayında  Rusiyadan Avropaya tankerlərlə neft tədarükü gündəlik 300 000 barel həcmində artıb.

“The Wall Street Journal” (WSJ) “TankerTrackers”in məlumatlarına istinadən yazır ki, aprel ayında Rusiya Federasiyasının Avropaya tankerlərlə neft tədarükü mart ayındakı 1,3 milyon barel göstəricidən 1,6 milyon barelə qədər artırıb.

Aprel ayında tankerlərlə Rusiya neftinin tədarükünün təxminən 40%-i “naməlum təyinat yeri” olaraq daşınıb. WSJ-nin məlumatına görə, burada söhbət İran və Venesuelanın istifadə etdiyi sanksiyalardan yayınmaq üçün yaxşı qurulmuş sxemindəngedir.

Sxemin mahiyyəti ondan ibarətdir ki, neft daha böyük tankerlərə çatdırılır, orada başqa bir tankerlərdə qarışdırılır. WSJ treyderlərə istinadən yazır ki, artıq bazarda neft məhsullarının yeni növləri - "Latviya qarışığı" və "Türkmən qarışığı" təklif olunur, lakin onların tərkibində "əhəmiyyətli miqdarda Rusiya nefti var".