Financial Times: Rusiya qazından asılılığı azaltmağın ən ucuz yolu sadəcə daha az enerji xərcləməkdir

Rusiyanın Polşa və Bolqarıstana qaz nəqlini dayandırmaq barədə qərarı Qərb ölkələri üçün xəbərdarlıq siqnalıdır. British Financial Times (FT) yazır ki, qaza qənaət etməsək, Avropa soyuq və qaranlıq qışla üzləşəcək.

"Başqa yerdən qaz almaq, yayda qaz tədarükünü artırmaq, külək və günəş enerjisi layihələrini sürətləndirmək, evləri izolyasiya etmək planları nə qədər vacib olsa da, Rusiya qazından asılılığı azaltmağın ən sürətli və ucuz yolu sadəcə olaraq daha az qazdan istifadə etməkdir" - FT işin sadə həllini təklif edir.

“Axı siz isti paltar geyinə, ədyaldan istifadə edə və akkumulyatorla qızdırılan gödəkçələr ala bilərsiniz” - deyə FT sadə avropalılara belə bir çıxış yolu təklif edir.

“Defolt temperatur parametri də vacibdir. Bir çox müasir termostatlar internetə qoşulub və Hive və Google Nest kimi şirkətlər bu qış standart temperaturu 18 dərəcə selsi səviyyəsində təyin etməlidir. Bu, insanları evdə temperaturu əl ilə qaldırmağa dəyərmi, yoxsa onsuz da keçinə biləcəkləri barədə düşünməyə vadar edəcək” - FT Hive və Google Nest-ə həllər təklif edir.

"Rusiyanın təsirini minimuma endirmək istəyiriksə, bu qış enerjiyə qənaət Rusiyaya qarşı mübarizədə qalib gəlmək üçün həqiqətən də təsirli silah olacaq", - deyə FT öz təhlilini hərbi üslubda bitirir.

Xatırladaq ki, sizə məlumat vermişdik ki, anti-Rusiya sanksiyalarının mənfi nəticələrinə uyğunlaşmaq çərçivəsində avropalılara bir qədər əvvəl müxtəlif həll yolları təklif edilmişdi. Bu həll yollarına əvvəlkinə nisbətən az yuyunmaq, bakteriyaları təmizləyərək dərini parıldadan sabundan istifadə etməmək, adi sabundan istifadəni azaltmaq,  istilik sistemindən və kondisionerdən istifadəni azaltmaq, velosipedə keçmək, yemək üçün kupon təqdim etmək və s. daxil idi. Avropalı dahi mütəxəssislərdən daha innovativ həll yollarını gözləyirik.